بهغدا سێ بهنداو له ههرێمى كوردستان دروستدهكات
بهنداوى دوكان له پارێزگاى سلێمانى | فۆتۆ: MhamadKorra
SNN
بەڕێوەبەری گشتیی بەنداوەکانى ههرێم رایدهگهیهنێت، هەولێر و بەغدا لێکتێگەیشتنیان هەیە بۆ دروستکردنی سێ بەنداو. دەشڵێت: “بەهۆی بارانی ئەمساڵەوە هەموو بەنداوە بچووکەكانى پڕ بوون”.
ئهمڕۆ دووشهممه 24ى نیسان، ڕەحمان خانی، بەڕێوەبەری گشتیی بەنداوەکانى ههرێم بە ماڵپەڕی فەرمیی پارتی دیموکراتی کوردستانی راگەیاند، ”هەردوو حکومەتی هەرێم و فیدراڵ دەربارەی دروستکردنی سێ بەنداو گەیشتوونەتە خاڵی هاوبەش و لێکتێگەیشتنیان هەیە و بڕیارە حکوومەتی فیدراڵ دەست بە دروستکردنی سێ بەنداو بکات لە هەرێمی کوردستان، ئێستا گەیشتووینەتە قۆناغی کۆتایی و تەنیا ماوەتەوە سەر جێبەجێکردنی ئەو سێ پڕۆژەیە”.
ئهو بهرپرسهى حكومهتى ههرێم زانیارى زیاترى لهو بارهیهوه حستووهتهڕوو و ئاماژهى بهوهشكردووه، “دروستکردنی ئەو سێ بەنداوە هەنگاوێکی باشە بۆ گلدانەوەی ئاو، بەڵام دروستکردنی بەنداو کاتی پێویستە، بەتایبەتی بەنداوی گەورە، داواکارین عێراق پەلە بکات بۆ دەستپێکردنیان”.
له وهڵامى ئهو پرسیارهى ئایا بهنداوه بچووكهكانى ههرێم پڕبوون بههۆى شهپۆلى بارانبارینى ئهمساڵهوه؟ ڕهحمان خانى ئاماژهى بهوهشكردووه، “بەهۆی بارانی ئەمساڵەوە ڕێژەی ئاو لەناو بەنداوەکان زۆر زیادی کردووە، بەنداوە بچووکەکان پڕ بوون لە ئاو، تەنیا بەنداوە گەورەکان ماون بۆ ئەوەی پڕ ببن لە ئاو، چەندە باران ببارێت ئەگەر نەبێتە هۆی لافاو و زیانگەیاندن بە خەڵک، سوودی زۆرە بۆ بەنداوەکان”.
