لە چەندین راپرسیدا کڵچدارئۆغڵو پێش ئەردۆغان کەوتووە

SNN

نزیکەی 10 راپرسی لە مانگی رابردوودا لە وڵاتی تورکیا پێش هەڵبژاردنەکانی 14ی ئایاری ئەو وڵاتە ئەنجام دراوە، تێیدا کۆمەڵێک یەنجامی شۆکهێنەری هێناوە بەجۆرێک، دەنگەکانی رەجەب تەیب ئەردۆغان و کەمال کڵچدارۆغڵو لە یەکتر نزیکن و بە گوێرەی راپرسییەکانیش هەڵبژاردنەکانی سەرۆکایەتی کۆمار لە 14ـی ئایار یەکلایی نابنەوە بۆ گەڕی دووەم دەمێنێتەوە.

لە راپرسییەکی وڵاتی تورکیادا کە لەلایەن چەندین دەستەی سەربەخۆ و کۆمپانیای جیاوازە ئەنجامدراوە چەند پرسیارێک ئاراستەی هاووڵاتیان کراوە کە خۆی دەبینێتەوە لە یەکەمیان بۆ سەرۆکایەتی کۆمار دەنگ بە کێ دەدەیت؟ دووەمیشیان دەنگ بە کام پارتی سیاسی دەدەیت؟.

بەگوێرەی ئەنجامی راپرسییەکان لە هەبژاردنی سەرۆکایەتی کۆماردا رەجەب تەیب ئەردۆغان، کاندیدی هاوپەیمانیەتی کۆمار لەسەدا 43.16ـی دەنگەکان بەدەست دێنێت. هاوکات کەماڵ کڵچدارئۆغڵو، کاندیدی هاوپەیمانیەتی میللەت لەسەدا 47.83ـی دەنگەکانی بەدەستهێناوە.