هەوڵی تیرۆرکردنی پوتن درا
ڤلادیمێر پوتین، سهرۆكى ڕوسیا | فۆتۆ: Thibault Camus/Reuters
SNN
کەمێک پێش ئێستا سەرۆکایەتی رووسیا رایگەیاند: “سوپای ئۆکرانیا هەوڵیداوە لە رێگەی دوو فڕۆکەی بێفڕۆکەوانەوە کۆشکەکە ڤلادیمیر پوتن، سەرۆکی رووسیا بکاتە ئامانج، کە مەبەست لە هێرشەکە تیرۆرکردنی پوتن بووە، بەڵام دوو فڕۆکەکە لەکارخراون و خراونەتە خوارەوە.”
کۆشکی کرێملین بەرپرسیاریێتیی هێرشەکە دەخاتە ئەستۆی ئۆکراینا و دەڵێت، “رووسیا بە مافی خۆی دەزانێت لە کات و شوێنی گونجاو وەڵامبداتەوە.”
بەگوێرەی راگەیەندراوەکەی سەرۆکایەتیی رووسیا، هێرشەکە شەوی رابردوو بە دوو فڕۆکەی بێ فڕۆکەوان بۆسەر کۆشکی کرێملین کراوە، بەڵام ئەوکاتەی هێرشەکە کراوە، ڤیلادیمیر پوتن لە ئۆفیسی خۆی نەبووە، هەروەها بەهۆی هێرشەکەوە پووتین خشتەی کارەکانی نەگۆڕیوە و لەسەر پلان و بەرنامەکانی بەردەوامدەبێت.
