دواى هێرشكه‌ى سه‌ر كریملن رووسیا هه‌ڕه‌شه له ئۆكرانیا ده‌كات
سێرگى لاڤرۆڤ، وه‌زیرى ده‌ره‌وه‌ى رووسیا | فۆتۆ: AP
SNN
وه‌زیرى ده‌ره‌وه‌ى رووسیا رایده‌گه‌یه‌نێت، هێرشه‌كه‌ى سه‌ر كریملن دوژمنكارانه بوو، ده‌شڵێت: “وه‌ڵامى ئه‌م كرده‌وه‌یه قورس ده‌بێت”.
له چه‌ند رۆژى رابردوودا به فڕۆكه‌ى بێ فڕۆكه‌وان هێرشكرایه سه‌ر كۆشكى كۆمارى رووسیا ناسراو به (كریملن)، دواتر رووسیا ئۆكرانیاى به، “هه‌وڵدان بۆ كوشتنى ڤلادیمێر پوتین، سه‌رۆكى رووسیا تۆمه‌تبار كرد”، له وه‌ڵامیشدا ڤڵۆدۆمیر زیلینسكى، سه‌رۆكى ئۆكرانیا وتى: “ئێمه به‌رپرس نین له هێرشكردنه سه‌ر كریمیلن، داوا ده‌كه‌ین دادگاى نێوده‌وڵه‌تى ئه‌م بابه‌ته یه‌كلا بكاته‌وه”.
ئه‌مڕۆ هه‌ینى 5ى ئایار، سێرگى لاڤرۆڤ، وه‌زیرى ده‌ره‌وه‌ى رووسیا له‌میانى کۆنگرەیەکی ڕۆژنامەوانیدا لە هیندستان وتی: “بەڕوونی کارێکی دوژمنکارانە بوو، ڕوونە کە تیرۆریستانی کیێڤ بەبێ ئاگاداری ئاغاکانیان نەیاندەتوانی ئەو کارە ئەنجام بدەن”.
وتیشی: “بە قسەکردن وەڵام نادەینەوە ، بە کردەوەی پتەو وەڵام دەدەینەوە”.
ماوه ساڵێك و سێ مانگه رووسیا هێرشى كردووه‌ته سه‌ر ئۆكرانیا و تا ئێستاش ئۆپراسیۆنه سه‌ربازییه‌كانى ئه‌و وڵاته له ئۆكرانیا به‌رده‌وامیان هه‌یه.
