کەشناسی: تاوەباران و بروسکە دەبێت

SNN-

کەشناسی هەرێم رایگەیاند، ئەمڕۆ و سبەینێ تاوەباران و بروسکە لە زۆربەی ناوچە شاخاوویە سنوورییەکان دەبارێت لەگەڵ بەرزبوونەوەی تۆز وخۆڵێکی سووک لەزۆربەى ناوچەکانی هەرێم.

بەرێوەبەرایەتی گشتی کەشناسی و بوومەلەرزەزانی هەرێمی کوردستان کەشوهەوای ئەمڕۆ و سبەینێی بڵاوکردەوە و رایگەیاند، ئەمڕۆ هەینی ئاسمان نیمچە هەور دەبێت لەناوچە شاخاوییەکان بۆ هەوری تەواو دەگۆڕێت، تاوەباران و بروسکە لە زۆربەی ناوچە شاخاوییە سنووریەکان دەبارێت. لەکاتەکانی ئێوارە کاریگەری زیاد دەبێ بۆ زۆربەی ناوچەکانی هەرێم, لەگەڵ بەرزبوونەوەی تۆز وخۆڵێکی سووک لەزۆربەى ناوچەکانی هەرێم .

هەروەها سبەینێ شەممە 20ی ئایاری 2023، ئاسمان هەوری تەواو دەبێت لە زۆربەى کاتەکاندا، دابارین بەشێوەى تاوەباران و بروسکە لە زۆربەی ناوچەکانى هەرێم دەبێت و لە ناوچە شاخاوویەکان کاریگەیەکەى زیاتر دەبێت و پلەکانی گەرماش 5 بۆ 6 پلە دادەبەزن.

بەرزترین پلەکانی گەرمای پێشبینیکراو بە پلەی سیلیزی :
هەولێر : 30 پلەى سیلیزى
سلێمانی : 26 پلەى سیلیزى
دهۆک :27پلەى سیلیزى
کەرکوک : 33 پلەى سیلیزى
هەڵەبجە : 27پلەى سیلیزى
حاجی ئۆمەران : 16 پلەى سیلیزى
زاخۆ : 29 پلەى سیلیزى
سۆران : 26 پلەى سیلیزى
گەرمیان : 35 پلەى سیلیزى