لە دهۆک ژنێک هاوسەری پێشووی کوشت

SNN

لە شاری دهۆک ژنێک هاوسەری پێشووی خۆی کوشت کە بەر لەماوەیەک لەیەک جیاببوونەوە.

لەو بارەوە پۆلیسى دهۆک رایگەیاند: کاتژمێر (06:00)ى بەیانى ئەمڕۆ هەینی، لە گەڕەکى رەزا لە سەنتەرى شارى دهۆک، شەڕ و دەمەقاڵێ لە نێوان ژن و پیاوێک روویداوە کە ماوەیەک پێشتر لە یەکترى جباببونەوە.

ئاماژەی بەوەشکردووە، لە ئەنجامى شەڕ و گرژییەکە، ژنەکە کە تەمەنى (23) ساڵە بە چەقۆ هاوژینى پێشووى کوشتووە کە تەمەنى (34) ساڵە.

ئەوەشی خستووەتەڕوو، دواى رووداوەکە ژنەکە خۆى رادەستى هێزەکانى پۆلیس کردووە و بە بڕیارى دادوەر لێکۆڵینەوە لە تاوانەکە دەستیپێکردووە و بەپێى ماددەى (405) لە یاساى سزادان ژنەکە زیندانى کراوە و لێکۆڵینەوەکان بەردەوامن.