سهرۆكى ئهمریكا دهڵێت: پوتین بێزراوه و شهڕى ئۆكرانیا دهدۆڕێنێت
جۆو بایدن، سهرۆكى ئهمریكا | فۆتۆ: AP
SNN
سهرۆكى ئهمریكا رایدهگهیهنێت، سهرۆكى رووسیا كهسێكى بێزراوه له سهرتاسهرى جیهاندا، دهشڵێت: “بێگومان شهڕى ئۆكرانیا دهدۆڕێنێت”.
ئهمڕۆ چوارشهممه 28ى حوزهیران، جۆو بایدن، سهرۆكى ئهمریكا له كۆنگرهیهكى رۆژنامهوانیدا پێش گهشتهكهى بۆ ویلایهتى شیكاگۆ باسى ههڵوێستى وڵاتهكهى لهسهر یاخیبوونى گروپى چهكدارى ڤاگنهرى كرد له رووسیا و وتى: “زهحمهته بڵێین رووداوهكانى ئهم دواییه كه له رووسیا روویاندا پوتینیان لاواز كردووه یان نا؟!”.
لهبارهى ڤلادیمێر پوتین، سهرۆكى رووسیا، جۆو بایدن ئهوهشى خستهڕوو، “پوتین كهسێكى بێزراوه له سهرتاسهرى جیهان. دڵنیام شهڕى ئۆكرانیا دهدۆڕێنێت و گومانیشم نییه كه شهڕ لهناوخۆشدا دهدۆڕێنێت”.
سهرۆكى ئهمریكا رهتیكردهوه وڵاتهكهى هیچ پهیوهندیهكى به یاخبوونهكهى گروپى ڤاگنهرهوه ههبێت له رووسیا و وتى: “ئێمه بهشدارى ئهو یاخیبوونه نین و ئهم بابهته بهشێكه له ململانێى دهسهڵات لهنێوخۆى رووسیا”.
له بهشێكى ترى قسهكانیدا سهرۆكى رووسیا ئهوهشى روونكردهوه، “تیمى تایبهتى وڵاتهكهى له نزیكهوه چاودێرى و بهدواداچوون بۆ رووداوه نێوخۆییهكانى رووسیا دهكهن”.
