لە سلێمانی چوار کەس لەسەر سەربڕینی ئاژەڵ بە نایاسایی دەستگیرکران

SNN-

لەسەر سەربڕینی ئاژەڵی قوربانی لە شوێنی نایاسایی لیژنە ھاوبەشەکانی قائیمقایەتی سلێمانی چوار کەسیان دەستگیرکرد.

رێکان جەمال، سەرۆکی لیژنە ھاوبەشەکانی قائیمقامیەتی سلێمانی رایگەیاند، بەردەوامن لە ھەڵمەتی نەھێشتنی ئەو شوێنانەی بەنایاسایی دانراون بۆ فرۆشتن و سەربڕینی ئاژەڵ، لەو چوارچێوەیەشدا بنکەی پۆلیسی راپەرین سێ کەسی دەستگیرکردوە، لە سلێمانیش کەسێک دەستگیرکراوە، دەستیشبەسەر بڕێکی زۆری پێداویستی سەربڕینی ئاژەڵدا گیراوە.

سەرۆکی لیژنە ھاوبەشەکانی قائیمقامیەتی سلێمانی ئاماژەی بەوەشکرد، توانیویانە کۆنتڕۆڵی (90%) ئەو شوێنان بکەن کە بە نایاسایی ئاژەڵی لێ سەردەبڕدرێت.

قائیمقامیەتی سلیمانی دەشڵێت، لەکاتی هەبونی گومان یان بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.