ئەمریکا بە شانازییەوە باس لە لەناوبردنی چەکە کیمیاییەکانی دەکات

SNN

جۆو بایدن سەرۆکی ئەمریکا لە راگەیەنراوێکدا ئاماژە بەوە دەکات، زیاتر لە 30 ساڵە ئەمریکا کاردەکات بۆ لە ناوبردنی کۆگاکانی چەکی کیمیایی و بەشانازییەوە ئاشکرای دەکەن کە دواین کۆگای چەکی کیمیاییان لە ناو بردووە، بەوەش نزیک بوونەتەوە لەوەی کە جیھان لە چەکی کیمیایی پاک بکەنەوە.

فێرناندۆ ئاریاس بەرێوەبەری گشتی رێکخراوی قەدەغەکردنی چەکی کیمیایی رایگەیاند، لە ناوبردنی تەواوی کۆگاکانی چەکی کیمیایی ئەمریکا وێستگەیەکی گرنگە بۆ پاککردنەوەی جیھان لە چەکی کیمیایی، ئەو وڵاتانەی لە ساڵی 1997دا رێککەوتننامەی قەدەغەکردنی چەکی کیمیاییان ئیمزا کردوە، یەدەگی چەکی کیمیاییان لەناوبردوە.