لە کۆی شەش تووشبووی تای خوێنبەربوون لە سۆران سیانیان گیان لە دەستداوە

SNN

کاروان جەمال بەڕێوەبەری تەندروستی لە ئیدارەی سەربەخۆی سۆران ئەمڕۆ شەممە رایگەیاند، تا ئێستا شەش حاڵەتی تووشبوونمان بە تای خوێنبەروون هەبووە و سێ لەو حاڵەتانە بەهۆی پەتاکەوە گیانی لەدەستداوە لە سنووری ئیدارەی سۆران.

ئاماژەی بەوەشکرد، ئەو سێ کەسەی کە هەڵگری پەتاکەن ئێستا لەژێر چاودێری و چارەسەری چڕی پزیشکیدان، دکتۆر کاروان ئاماژەش بەوە دەکات، کە تیمە تەندروستییەکان چاودێرییەکەیان بۆ کۆنترۆڵکردنی نەخۆشییەکە چڕ کردووەتەوە و داواش لە هاووڵاتیان دەکەین بە وردی رێنماییە خۆپاریزییەکان دەربارەی نەخۆشییەکە جێبەجێ بکەن.