وهزارهتى نهوتى عێراق 4 گرێبهستى نوێى لهبوارى نهوت و گاز واژوو كرد
كرێكارێك لهنێو كێڵگهیهكى نهوتیدا | فۆتۆ: Essam Al-Sudani / Reuters
SNN
ئهمڕۆ دووشهممه 10ى تهمموز، وهزارهتى نهوتى عێراق چوار گرێبهستى نوێى لهگهڵ كۆمپانیاى تۆتاڵى فهڕهنسى واژوو كرد كه به قهبارهى 10 ملیار دۆلار وهبهرهێنانیان تێدا دهكرێت.
پێشنیوهڕۆى ئهمڕۆ له مهراسیمێكى تایبهتدا به ئامادهبوونى پاتریك پۆیانێ، بهڕێوهبهرى جێبهجێكارى كۆمپانیاى تۆتاڵى فهڕهنسى و حهیان عهبدوغهنى، وهزیرى نهوتى عێراق چوار گرێبهستى نوێ بهمهبهستى پهرهدان به كهرتى نهوت و گازى عێراق واژوو كران.
پاتریك پۆیانێ، بهڕێوهبهرى جێبهجێكارى كۆمپانیاى تۆتاڵ له مهراسیمهكهدا وتى: “قهبارهى وهبهرهێنانهكه 10 ملیار دۆلاره و دهتوانێت كهرتى وزهى عێراق بهرێته قۆناغێكى نوێوه، ئهمه سهرهڕاى ئهوهى ههزاران ههلى كارى نوێ دهڕهخسێنێت”.
هاوكات وهزیرى نهوتى عێراق باسى لهوهكرد، “گرێبهستهكان بهشێوهیهكى بهرچاو كهرتى وزه بهرهوپێش دهبهن، عێراق سوودى گهوره له گرێبهستهكان دهكات”.
له پهراوێزى قسهكانیدا حهیان عهبدولغهنى باسى ههرێمى كوردستانى كرد و وتى: “150 ههزار بهرمیل نهوتى رۆژانهى ههرێمى كوردستان بۆ پێداویستى ناوخۆ بهكاردههێنین”.
