تووشبوویەکی دیکەی تای خوێنبەربوون لە کۆیە تۆمارکرا

جێگری بەڕێوەبەری تەندروستی كۆیە رایگەیاند، حاڵەتێکی دیکەی تووشبوون بە تای خوێنبەربوون لە کۆیە تۆمارکراوە کە گەنجێکی تەمەن 19 ساڵە و لە رەگەزی نێرە و ئێستا لە نەخۆشخانەکانی هەولێر چارەسەر وەردەگرێت.

د. شیروان جەلال، جێگری بەڕێوەبەری تەندروستی كۆیە بە SNN-ی راگەیاند، دووەم حاڵەتی تووشىوون بە تای خوێنبەربوون لە کۆیە دیاریکراوە، گەنجەکە سەرەتا کە تووشبووە وایزانیوە تەنها تای هەیە، چارەسەری وەرگرتووە، بەڵام تاکەی هەر دانەبەزیوە و دواتر چووەتە نەخۆشخانە و دوای پشکنین دەرکەوتووە کە تووشی تای خوێنبەربوون بووە.

سەبارەت بە هۆکاری تووشبوونەکەی وتیشی: کەسەکە لە جەژندا قوربانی کردووە و گومان دەکرێت لەوەوە تووش بووبێت.

لە کۆیە تا ئێستا دوو حاڵەتی تووشبوون بە تای خوێنبەربوون تۆمارکراوە کە یەکێکیان گیانی لەدەستداوە.