مەرج و ڕێنماییەکانى گواستنەوە و دابەزینى خوێندکارانی زانکۆ و پەیمانگاکان بۆ ساڵى نوێى خوێنـدن بڵاوکرایە

SNN-

وەزارەتی خوێندنی باڵاو توێژینەوەی زانستی مەرج و رێنماییەکانی گواستنەوە و دابەزینى خوێندکاران بۆ ساڵى نوێى خوێنـدنی (2023-2024)، بڵاوکردەوەو دەڵێت: گواستنەوەکە لەرۆژی (2023/7/22) تاکو (2023/8/31) بەردەوام دەبێت .

عەباس ئەکرەم، وتەبێژى وەزارەتى خوێندنى باڵا و توێژینەوەى زانستى لە لێدوانێکدا رایگەیاندوە، “لە گشتاندنێکدا کە لەلایەن فەرمانگەى خوێندن و پلاندانان و بەدواداچون/ بەڕێوەبەرایەتى ناوەندى وەرگرتن ئامادەکراوە و ئیمزاى وەزیرى خوێندنى باڵا و توێژینەوەى زانستى لەسەرەو ئاراستەى گشت زانکۆ حکومییەکانى هەرێمى کوردستان کراوە، تیایدا ئەوە هاتوە لە  رۆژی (2023/7/22) تاکو (2023/8/31) پرۆسەى گواستنەوەو دابەزین بەپێى مەرج و ڕێنماییەکان بەردەوام دەبێت”.

بە گوێرەی رێنماییەکان، “گواستنەوەى خوێندکاران/ قوتابیان لە کۆلێژى کۆنمرە نزمەکان بۆ کۆلێژى کۆنمرە بەرزەکان، گواستنەوە لە نێوان زانکۆ و پەیمانگەکانى هەرێم، گواستنەوەى خوێندنى قوتابیان/ خوێندکارانى دەرەوەى وڵات بۆ زانکۆ و پەیمانگەکانى هەرێم، باشور و ناوەڕاستى عێراق. هەروەها دابەزینى ئاسایی قوتابیان/ خوێندکاران، دابەزینى خوێندن بەشێوەى سیستمى خوێندنى پارالێل و چەندین وردەکارى دیکە لەبارەى گواستنەوەو دابەزین خراوەتەڕوو”.

بۆ خوێندنەوەى دەقى رێنماییى گواستنەوەو دابەزین کلیک  لێره‌ بکەن: