بەهۆی بڕیارێکی هیندستانەوە نرخی برنج بەرزدەبێتەوە
SNN
پێشبینی دەکرێت وڵاتی هیندستان کە گەورەترین وڵاتی هەناردەکاری برنجە لە جیهاندا هەناردەکردنی بەشێکی زۆری جۆرەکانی برنج بۆ دەرەوەی وڵاتەکەی رابگرێت ئەوەش نرخی ئەو بەرهەمە لە بازاڕەکانی جیهاندا بەرزدەکاتەوە.
رۆژنامەی بلومبێرگ بڵاویکردەوە: حکومەتی هیندستان تاوتوێی پلانێک دەکات بۆ راگرتنی هەناردەکردنی ئەو جۆرە برنجانەی کە بەسمەتی نین ئەوەش بەمەبەستی رێگریکردن لە زیادبوونی رێژەی هەڵاوسان و زیاتر گرانبوونی لە ناوخۆدا.
ئاماژەی بەوەشکردووە: هۆکاری پشت ئەو بڕیارە رێگریکردنە لە قەیرانی زیاتری ئابووری و مەترسی بەرزبوونەوەی هەڵاوسان لە هیندستان لە کاتێکدا هەڵبژاردنەکانی ئەو وڵاتە بەڕێوەیە.
بڕیارەکەی هیندستان بۆ راگرتنی هەناردەی برنج رۆڵێکی بەرچاوی دەبێت کاریگەری لەسەر لە %80ی برنجی هەناردەی ئەو وڵاتە.
برنج خۆراکی سەرەکی نیوەی دانیشتوانی جیهانە کیشوەری ئاسیا بەکاربەری %90ی برنجی جیهانە.
