هەورەبروسکە و تاوەباران چەند ناوچەیەکی هەرێم دەگرنەوە
بارانبارینى بهخوڕ | فۆتۆ: Truth-Seeker
SNN
شارەزایەکی کەشناسی پێشبینی دەکات هەورەبروسکە و تاوەباران چەند ناوچەیەکی هەرێمی کوردستان بگرنەوە.
ئاراس جەبار شارەزای بواری كەشناسی ڕایگەیاند” سبەی شەممە ٢٢-٧-٢٠٢٣ ئاسمان ھەرێم بە زۆری ساماڵ و لەکاتەکانی پاش نیوەرۆدا لە ناوچەکانی سنوری پارێزگای سلێمانی و ئیدارەی راپەرین و ناوچە شاخاویەکانی ڕۆژھەڵاتی پارێزگای ھەولێر ئاسمان دەگۆرێت بۆ پەڵە ھەور و ھەندێک کاتیش نیمچە ھەور”.
ڕاشیگەیاند” بۆ ماوەیەکی کورت لە ھەندێ ناوچە شاخاوییەکان بە تایبەت سنوری قەزای چۆمان ئەگەری دروستبوونی کەڵەکە ھەوری بروسکە و تاوە باران دەبێت”.
ئەوەشی خستەڕوو، پلەکانی گەرما بەرێژەی ١ پلە بەراورد بە ئەمرۆ بەرزتر دەبێت و بای باکوری ڕۆژھەڵات لە کاتەکانی سبەی شەودا لە ناوچەکانی سنوری پارێزگای سلێمانی و ئیدارەی راپەرین چالاک دەبێتەوە بەخێرای ١٥-٣٥ کم لە کاتژمێرێکدا.
