سويد مافی مانەوە لە سەلوان مۆميکا وەردەگرێتەوە

SNN

دەزگای کۆچی سويد بڕیاریدا مافی مانەوە و پارێزگاری لێکردن لە سەلوان مۆمیکای بەڕەگەز عێراقی وەربگرێتەوە.

بڕیارەکە دوای ناڕەزایەتی تووندی چەند فراکسیۆنێکی پەرلەمانی سوید دێت کە داوای دەرکردنی کوڕە عێراقييە قورئان سوتێنەکەیان کردبوو.

ئەو فراکسیۆنانە دەڵێن ئەو کردەوەیە زیانی زۆری بە وڵاتەکەیان گەیاندوە و ھەم کردەکە و ھەم ڕێگەپێدانەکەی وەزارەتی ناوخۆ ھەڵەی کوشندەبوون بۆ سوید.

رێگەپێدان بە سوتاندنی قورئانی پيرۆز لە وڵاتی سوید لەلايەن پەنابەرێکی عێراقييەوە تورەی وڵاتانی ئيسلامی لێکەوتەوە و ئابڵۆقەيەکی قورسيان خستە سەر ئەو وڵاتە، هاوکات نەتەوە يەکگرتووەکان کاردانەوەی تونديان بەرامبەر سويد دەربڕی.