پێدانی سەموون لە بری ئارد دەستیپێکرد

SNN-

بەرێوەبەری گشتی کۆمپانیای دانەوێڵەی عێراق رایگەیاند، پیدانی سەموون لە بری ئارد بە هاووڵاتییان لە سێ ناوچەی بەغدا دەستپیدەکات ئەگەر سەرکەوتووش بێت لە پاریزگاکانی دیکەی عێراقیش جێبەجی دەکرێت.

حەیدەر نوری، بەرێوەبەری کۆمپانیای گشتی دانەوێلەی عێڕاق بە ئاژانسی هەواڵی عێراقی راگەیاندووە، دابەشکردنی سەموون لە بری ئارد لە سێ ناوچەی یەرموک، زەیونە و مەنسور لە بەغدا بە شێوەی تاقیکاری دەستپێدەکات ئەگەر  پرۆسەکە سەرکەوتوش بێت لە تەواوی عێراق جێبەجێ دەکرێت، بە پێچەوانەشەوە ئەگەر شکستی هێنا ئەوا دابەشکردنی ئارد دەستپێدەکاتەوە.

لە سەرەتای ئەمساڵدا وەزارەتی بازرگانی عێراق رایگەیاند، بۆ ئەوەی پارێزگاری لە رێژەی ئاردی دابینکراوی حکومەت بکەن پرۆسەی دابەشکردنی سەموون لە بری ئارد جێبەجی دەکەن بۆ هەر کەسێک مانگانە بڕی 90 سەموونی پێدەدرێت، بەڵام ئەگەر کەسێکیش وەرینەگرت دەتوانێت ئارد وەربگرێت.