بەشێکی زۆری رۆژەکانی ئەم هەفتەیە ڕەشەبا دەبێت

SNN
شاڵاو هیدایەت شارەزای بواری کەشناسی نوێترین پێشبینییەکانی خۆی لەبارەی کەشوهەوا دەخاتە روو ئاماژە بەوە دەکات، ئێستا ڕەشەبا لە خۆرهەڵاتی ناوچەکانمانەوە لەسەر ئیدارەی ڕاپەرین و بەشێکی ناوچەکان چالاک بووە.

راشیگەیاند، لەم هەفتەیەدا بە زۆری ڕەشەبا چالاک دەبێت بەخێرایی 15 تا سەروی 35 کم لە سەعاتێکدا لە ئاڕاستەی خۆڕهەڵاتی ناوچەکانمانەوە هەندێ کاتی ئەم هەفتەیەش بای شەماڵ بوونی دەبێت لە خۆرئاواوە بەپێی ناوچە کاریگەری زیاتر دەبێت تایبەت لەسەر ناوچەکانی ناوەڕاست و خۆرئاوای هەرێم و زۆربەی ناوچەکانی تری عێراق کاریگەری زیاتر دەبێت بەخێرایی 15 تا 25 کم لەسەعاتێکدا.

ڕەشەبا کاتەکانی بەیانی زوو چالاک دەبێت تا نیوەرۆ بۆ دوانیوەرۆ بەردەوامە لەزۆربەی ناوچەکان بای شەماڵیش هەندێ مەودای ئەم هەفتەیە لەکاتەکانی دوانیوەڕۆوە چالاک دەبێت.