حکومەتی عێراق لەسەر نەناردنی پارەی تەواو بۆ هەرێم روونکردنەوە دەدات

SNN

ئەندامێکی ئەنجومەنی نوێنەرانی عێراق وادەی جێبەجێکردنی ياسای بودجەی راگەياند : لەم هەفتەيەوە رێنماييەکانی ياسای بودجە جێبەجێدەکرێت، حکومەتی عێراقيش دەڵێت ” بەهۆی پەسەندنەکردنی رێنماييەکان پشکی تەواوەتی نەنێردراوە.

سامر ئەلحەمدانی، ئەندامی لیژنەی دارایی پەرلەمانی عێراق ڕایگەیاند: لە ماوەی ئەم هەفتەیە ڕێنمایی جێبەجێکردنی یاسای بودجە بەسەر سەرجەم وەزارەت و دامەزراوەکانی حکومەت گشتاندنی بۆ دەکرێت و بەو پێیەش یاساکە دەچێتە بواری جێبەجێکردن.

حکومەتی عێراق ڕایگەیاندووە: بەهۆی پەسەند نەکردنی ڕێنماییەکە، تا ئێستا بەشی هەرێم بەگوێرەی یاساکە نەنێردراوە، ئەو پارەیەی نێردراوە وەک قەرز لەسەر حکومەتی هەرێم هەژمار دەکرێت تا دەرچوونی ڕێنمایی یاسای بودجە.

ئەمەش لە کاتێکدایە، بەیانی ڕۆژی پێنج شەممە 3ی8 بڕی ( 598) ملیار دینار لە لقی هەولێری بانکی ناوەندی عێراق ڕادەستی وەزارەتی دارایی هەرێم کراو ڕەوانەی بانکەکان کرا بەمەبەستی دابەشکردنی مووچە.