“هەفتەی داهاتوو پێنج هەزار دەفتەری پاسپۆرت دەگاتە سلێمانی”

ئەندامێکی ئەنجوومەنی نوێنەرانی عێراق دەڵێت: کێشەی نەمانی دەفتەری پاسپۆرت لە سلێمانی چارەسەرکراوە و دوێنێ پێنجشەممە سێ هەزار و 600 دەفتەری پاسپۆرتی خام گەیشتوەتە شارەکە و هەفتەت داهاتوو پێنج هەزاری دیکەش دەگات.

سروە محەمەد، ئەندامی پەرلەمانی عێراق رایگەیاند دوای نەمانی دەفتەری پاسپۆرت لەبەڕێوەبەرایەتی پاسپۆرتی سلێمانی لەگەڵ بەڕێوەبەری گشتی کاروباری ڕەگەزنامە لەوەزارەتی ناوخۆی عێراق لە بەغدا کۆبوینەوە و کێشەکە چارەسەرکرا و ئەمڕۆش سێ هەزار و 600 دەفتەری پاسپۆرتی خام گەیشتوتە سلیێمانی و هەفتەی داهاتووش پێنج هەزاری دیکە دەگات.

راشیگەیاند، لەهەوڵداین لە رێگەی وەزارەتی ناوخۆەوە چارەسەری 19 تۆماری قەیدی کاتی ڕەگەزنامەی هاووڵاتیاین و ئەنفالکراوان چارەسەربکەینکە بەپێی بڕیاری ژمارە 77ی ساڵی 1994ی وەزارەتی ناوخۆی حکومەتی هەرێم ئەو تۆمارانە دانراون بۆ ئەو هاوڵاتیانەی نەیانتوانیوە لەو ساڵانەدا سەردانی ناوچەکانی عێراق بکەن بۆ ریکارە یاساییەکانی رەگەزنامەکانیان.

ماوەیەکە لە هەرێمی کوردستان کێشەی کەمی دەفتەری پاسپۆرت هەیە وبەهۆیەوە کێشە بۆ هاووڵاتییان دروست بووە بۆ دەرهێنانی پاسپۆرت.