نرخی کارەبای موەلیدەی سیتییەکان دیاریکرا

SNN-

کارەباى سلێمانى بڵاوى کردەوە، لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (سیتییەکان) کۆبوونەوەیەکی سازکردو تیایدا نرخی کیلۆواتی کارەبای موەلیدەی بۆ مانگی (11)ى دیاریکرد، کە بریتییە لە (273) دینار بۆ هەر کیلۆواتێک.

ئەوەش لە کاتێکدایە، مانگى رابردوو، نرخى کیلۆوات ئاوەرى سیتییەکان (281) دینار بوو.

کارەبای سلێمانی دەشڵێت:”پێویستە سەرجەم ستیيەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە و سزادەدرێن”.