هۆشداری لە لەناوچوونی دارستانەکانی هەرێمی کوردستان دەدرێت

SNN-

سەرۆکی ڕێکخراوی ئایندە بۆ پاراستنی ژینگە لە هەرێمی کوردستان، رایگەیاند، بەهۆی گۆڕانکارییەکانی کەشوهەوا و کەوتنەوەی ئاگر و چالاکییە سەربازییەکانی تورکیا و ئێران، لە ماوەی 10 ساڵی رابردودا لە کۆی دوو ملیۆن و 500 هەزار دۆنم زەوی دارستان، لە 50% روبەرەکان لەناوچون.

مەعروف مەجید، سەرۆکی ڕێکخراوی ئایندە بۆ پاراستنی ژینگە بە دەنگی ئەمریکای راگەیاند: سەرەڕای هەنگاوەکانی حکومەتی هەرێم بۆ پارێزگاری لە سەوزایی و سیستەمی ژینگە، رێکخراوە ژینگەییەکان دەڵێن: گۆڕانکارییەکان لە ژینگەی هەرێمی کوردستان بەردەوامن و رێوشوێنەکان بەگوێرەی پێویست نین.

دەربارەی کەمبوونەوەی رێژەی ئاو لە هەریمی کوردستان وتیشی: لە زۆرینەی شوێنەکانی هەولێر، دوای 700 مەتر قوڵی ناگات بە ئاو، هەروەها گرتنەوە یاخود کەمکردنەوەی ئاوی زێی بچوک و زێی گەورە و روباری سیروان کاریگەریی خراپی دروستکردوە.