شارەزایەکی کەشناسی: ئەم مانگە باران و بەفر دەبارێت

SNN

شارەزایەکی کەشناسی پێشبینییەکانی بۆ بارانبارینی ئەم مانگە بڵاوکردەوە و ڕایگەیاند، ئەم مانگە باران و بەفر دەبارێت.

ئەمڕۆ یەکشەممە 3ی کانوونی یەکەم، ئاراس جەبار، شارەزای کەشناسی لە پەڕەی فەرمی خۆی لە فەیسبووک رایگەیاندووە، لە 6ی ئەم مانگەوە پێشبینی دەستپێکردنەوەی کاریگەری نزمە پاڵەپەستۆکانی دەریای ناوەراست و سوور بۆ سەر ناوچەکانمان دەکرێت و ئەم مانگە بارانی زۆر باش دەبارێت.

ئاشکرایکردووە، بارانبارین بە چەند قۆناغێکی یەک لە دوای یەک دەبێت و مەودای نێوان بارانەکان نزیک لەیەکتر دەبن، ئەگەری ھەیە چەند شەپۆلێکی بارانبارین لە نێوان 6 بۆ 20ی مانگ بە ڕێژەی مامناوەند و زۆر باش ھەرێمی کوردستان بگرێتەوە لەگەڵ بارینی بەفرێکی زۆریش لەسەر ناوچە شاخاویە سنووریەکان و ناوچەکانی ڕۆژھەڵاتی کوردستان بە تایبەت لە دوای ناوەڕاستی مانگەوە .

روونیکردووەتەوە، بەگشتی پێشبینی دەکرێت ئەم مانگە باراناوی بێت و بەراورد بە مانگی ڕابردوو ژمارەی شەپۆلەکان زیاتر بێت.