شارەزایەکی کەشناسی: ئەم هەفتەیە بەفر و باران دەبارێت

SNN-

شارەزایەکی کەشناسی پێشبینی دەکات کە ئەمڕۆ شەممە ناسەقامگیریەکی کەش بێتە ئاراوە ببێتە هۆی بارینی باران و بەفر بە بڕی جیاواز لە ناوچەکانی کوردستان و پلەکانی گەرماش نزمدەبنەوە.

محەمەد کەمال، شارەزای کەشناسی بڵاویکردووەتەوە، بە هۆی ناوچەیەکی پەستان نزمی دەریایی ناوەڕاست و کاریگەی کەمێک شێی دەریای سور ئەگەری باران بارین هەیە و سەرەتا لە باکوری ڕۆژئاوای هەرێمی کوردستان شەپۆلەکە دەستپێدەکات و دواتر بەپێی کات بەرەو ناوچەکانی دیکە لە جوڵەدادەبێت،زۆرترین بڕ لە ناوچەکانی باکوری دهۆک و ئیدارەی سۆران و باکوری هەولێر و بەشێکی ئیدارەی ڕاپەڕین دەبێت ، هەرچی ناوچەکانی سلێمانی و هەڵەبجە و گەرمیان و کەرکوکیشە باران بارین بڕەکەی مامناوەند یان کەم دەبێت.

راشیگەیاند، سەبارەت بە بەفر بارین پێشبینی دەکەم لە ناوچە شاخاویە سنوریەکان بەتایبەت باکوری هەرێمی کوردستان بەفر بە بڕی جیاواز ببارێ و بڕەکەی مام ناوەند دەبێت بەتایبەت چیا بەرزەکانی هەڵگورد و زنیجیرەکانی برادۆست و قەندیل و چەند لوتکە چیایەکی دیکە پلەکانی گەرماش چەند پلەیەک دادەبەزن بە تایبەت لە ناوچە شاخاوییەکان
ئەم ناسەقامگیریە هەتا درەنگانی شەوی شەممە لەسەر یەکشەممە کاریگەری دەبێت و دواتر کۆتای دێت.

ئەو شارەزایەی کەشناسی دەشڵێت:” لە داهاتودا شەپۆلێکی باشی باران و بەفر دووبارە کوردستان دەگرێتەوە لە سێشەممە و چوارشەممەو پێنجشەممەی ئەم هەفتەیەدا”.