کەشناسی: سبەینێ لەم ناوچانە بەفربارین دەستپێدەکات

SNN

پێشبینی دەکرێت سبەی چوارشەممە، لە بەشێک لە ناوچە شاخاوییەکان بەفرببارێت لەناو سەنتەری شارەکانیش دابارین بەردەوام دەبێت، پلەکانی گەرماش 2 بۆ 3 پلە بەراورد بە ئەمڕۆ نزمدەبنەوە.

بەشی پێشبینی کەش و هەوا لە وەزارەتی گواستنەوە و گەیاندنی حکومەتی هەرێم بڵاویکردەوە، ئەمڕۆ سێشەممە ئەمڕۆ ئاسمان نیمچە هەور بۆ هەوری تەواو دەبێت لەگەڵ بارینی نمە باران لە دهۆک و ناوچە شاخاوییەکان و دەشڵێت: لەکاتەکانی شەودا نمە باران درێژ دەبێتەوە بۆ سەنتەری شارەکان و ناوچە جیاجیاکانی هەرێم.

بەپێی راگەیەنراوەکە، سبەی چوارشەممە كاریگەریی باران بارینەكە زیاد دەكات بەتایبەت لە ناوچە شاخاوییەكانی دهۆك و پارێزگای سلێمانی و ناوچە شاخاوییەكانی بەشێك لە گەرمیان و لە ناوچە بەرزەكانیش بەفر دەبارێت و پلەكانی گەرماش 2 بۆ 3 پلە بەراورد بەمڕۆ نزم دەبێتەوە.

بەرزترین پلەکانی گەرمای پێشبینیکراو بە پلەی سیلیزیش بۆ ئەمڕۆ بەمشێوەیە دەبێت:
هەولێر : 18 پلەى سیلیزى
سلێمانی : 16 پلەى سیلیزى
دهۆک : 16 پلەى سیلیزى
کەرکووک : 20 پلەى سیلیزى
هەڵەبجە : 14 پلەى سیلیزى
زاخۆ : 17 پلەى سیلیزى
گەرمیان : 21 پلەى سیلیزى
حاج ئۆمەران: 7 پلەى سیلیزى
سۆران : 11 پلەى سیلیزى