کارمەندانی هاتووچۆی سلێمانی بایکۆتیان راگەیاند

SNN-

بەڕێوەبەری هاتووچۆی سلێمانى راگەیاند، بەهۆی دواکەوتنی مووچەکانیانەوە کارمەندانی بەڕێوەبەرایەتییەکە مانیان گرتووە مامەڵەی هیچ کەسێک رایی نەکراوە

ئاسۆ محەمەد، بەڕێوەبەری هاتووچۆی سلێمانى رایگەیاند، ئەمڕۆ کارمەندەکان نەچوونەتە شوێنەکانى خۆیان و تەنیا لە هۆڵەکە دانیشتوون، هیچ هاووڵاتییەکیشمان  نەکردوەتە ژوورەوە بۆ ئەوەى کێشە گەورە تر نەبێت، خەڵکێکی زۆریش لەبەردەم بەڕێوەبەرایەتى کۆبوونەتەوە، لە هەوڵیی چارەسەرکردنى دۆخەکەین، چونکە مووچە بۆ هەمومان وەکو یەکە و تەنیا هاتووچۆ نییە.

راشگەیاند، ئێستا نزیکەى 2 هەزار کەس لەبەردەم دەرگا وەستاون، ئەوانە زۆبەی ئەو هاوڵاتییانە فەرمانبەر و مووچەخۆری بێموچەن، هاووڵاتی فەقیرە چی بکات، هیچ تاوانێکی ئەوی تێدا نییە، بۆیە سزادانى هاووڵاتی شتێکی باش نییە.

بەڕێوەبەری هاتووچۆی سلێمانى، دەشڵێت:”ئێستا لە هەوڵی چارەسەرکردنى کێشەکەدان بۆ ئەوەى کارمەندەکان بچنەوە سەر کارەکانى خۆیان”.