حکومەتی هەرێم لەسەر پرسی مووچە کۆدەبنەوە
کۆبوونەوەی ئەنجوومەنی وەزیرانى حكومهتى ههرێمى كوردستان | فۆتۆ: KRG
SNN
سبەینێ چوارشەممە، ئەنجوومەنی وەزیرانی هەرێمی کوردستان لە بارەی پرسی مووچە و بودجە و تێچووی وەبەرهێنانی نەوتەوە کۆدەبێتەوە.
بڕیارە سبەینێ ئەنجومەنی وەزیرانی هەرێمی كوردستان كۆبێتەوە، سەبارەت بەبەشداری سەرۆكی حكومەت لە داڤۆس، لەگەڵ پرسی مووچە و بودجە و تێچووی وەبەرهێنان و گواستنەوەی نەوت، دەنگدان لەسەر رێنمایی كاركردنی بیانی لە هەرێمی كوردستان.
ئاماژە بەوەکراوە، کۆبوونەوەکەی سبەینێی ئەنجوومەنی وەزیران لەسەر ئەم تەوەرانە دەبێت، مەسرور بارزانی سەرۆكی حكومەت قسە لەسەر سەردانەكەی دەكات بۆ داڤۆس، ئاوات شێخ جەناب وەزیری دارایی قسە لەسەر گفتوگۆكانی بودجە و مووچە دەكات لەگەڵ بەغدادەکات، كەمال محەمەد وەزیری سامانە سروشتییەكان قسە لەسەر تێچووی بەرهەمهێنان و گواستنەوەی نەوت دەكات، دارا رەشید وەزیری پلاندانان قسە لەسەر رەشنوسی (رێنمایی كاركردنی بیانی لە هەرێمی كوردستان) دەكات.
