بانكی ناوەندی عێراق 8 بانکی کوردستانی و عێراقی لە مامەڵەكردن بە دۆلار بێبەشدەکات

SNN-

بانکى ناوەندى عێراق مامەڵەى دۆلارى لەلایەن هەشت بانکى عێراقیی و کوردستانییەوە قەدەغەکرد و هۆکارەکەیشى دەگەڕێتەوە بۆ ئەو هەوڵانەى بۆ رێگریی لە ساختەکاریی و شوشتنەوەى پارە و بەکارهێنانى نایاسایی دۆلار گیراونەتەبەر.

بەگوێرەی ئەو لیستە نوێیەی بانكی ناوەندی بڵاویكردووەتەوە، بانکە بێ بەشکراوەکان لە دۆلار بریتین لە: بانکی ئاشوور بۆ وەبەرهێنان، بانکی وەبەرهێنانی عێراق، بانکی یەکێتی عێراق، بانکی ئیسلامی نێودەوڵەتی کوردستان، بانکی ئەل هودا، بانکی ئیسلامی باشور، بانکی ئیسلامی عەرەبی و بانکی بازرگانی حامورابی.

وەزارەتی گەنجینەی ئەمریکا هەفتەی رابردوو بە تۆمەتی گواستنەوەی چەندین ملیار دۆلاربۆ گروپە هاوپەیمانەكانی ئێۆران بانكی ئەلهودای عێراقی خستە ناو لیستی سزاكانی.

راگەیاندنی ئەم لیستە نوێیە لە بانکە بێ بەشکراوەکان لە مامەڵەكردن بە دۆلار دوای ئەوەدێت، هەفتەی رابردوو برایان نیلسۆن، جێگری وەزیری گەنجینەی ئەمریکا بۆ رووبەڕووبوونەوەی شتنەوەی پارەو تیرۆر، سەردانی بەغدادی کرد و لەگەڵ بەرپرسانی عێراق کۆبووەوە.