لە هەولێر رێگە بە حزبی شیوعی نەدرا خۆپیشاندان ئەنجام بدەن

SNN-

لە شاری هەولێر رێگە نەدرا حزبی شیوعی کوردستان خۆپیشاندان ئەنجام بدات بۆ پشتگیریکردن لە مامۆستایان و فەرمانبەران.

بڕیار بوو ئەمڕۆ لە هەولێر حزبی شیوعی کوردستان خۆپیشاندان بۆ پشتگیری مامۆستایان ئەنجمابدات، بەڵام هێزێکی سەربازی زۆر خرایە حاڵەتی ئامادەباشییەوە و و ڕێگەنەدرا خۆپیشاندانەکە ئەنجامبدرێت و هێزێکی ئاسایش چواردەوری بارەگای حزبی شیوعیان گرتووە.

حزبی شیوعی کوردستان رایگەیاند:” ئاسایشی هەولێر چوار دەوری بارەگای مەڵبەندی هەولێری حزبمانی گەمارۆداوەو ڕێگا نادەن خۆپیشادانی پاڵپشتی لەمامۆستایان بکەن”.

لە راگەیەندراوەکەدا حزبی شیوعی دەڵێت:” داوایان لەهاوڕێیانمان کردووە کە خۆپیشاندان ئەنجام نەدەن بەڵام هاوڕێیان سورن لەسەر ئەنجامدانی خۆپیشاندانەکەو داکۆکی کردن لەمافی مامۆستایان وفەرمانبەران‏”.