کۆڵبەرێکی کورد بە گوللـەی هێزەئەمنییەکانی ئێران کوژرا
SNN-
کۆڵبەرێکی گەنجی خەڵکی بانە بە ناوی سەیوان سەحیحی لەلایەن هێزە چەکدارەکانی ئێرانەوە کوژرا.
ڕێکخراوی مافی مرۆڤی هەنگاو بڵاویکردووەتەوە، شەوی رابردوو، کۆڵبەرێکی تەمەن 20 ساڵی خەڵکی بانە بە ناوی سەیوان سەحیحی لە کاتی کۆڵبەری لە سنووری سارداوی شاری بانە بە تەقەی ڕاستەوخۆی هێزە چەکدارەکانی کۆماری ئیسلامیی ئێران کوژرا.
سەیوان سەحیحی خەڵکی گوندی «بلەکە» بووە و بەیانی ئەمڕۆ لە نەخۆشخانەی سەلاحەدینی ئەیوبی شاری بانە ڕادەستی بنەماڵەکەی کراوەتەوە.
بەگوێرەی ئاماری رێکخراوی مافی مرۆڤی هەنگاو، لە ساڵی 2023ی زایینیدا لانی کەم 22 کۆڵبەر لە سنوورەکانی کوردستان کوژراون و 116 کۆڵبەری دیکەش بریندار بوون.
