ئاڵای ئەمریکا و عێراق
SNN-
وه‌زاره‌تی ده‌ره‌وه‌ی ئه‌مریكا جارێكی دیكه رێنماییەکانی گەشتکردنی بۆ عێراق نوێکردەوە و رایگه‌یاند، بە هیچ هۆکارێک گەشت بۆ عێراق مەکەن، حکومەتی ئەمریکا توانای سنورداری هەیە و ئه‌وانه‌شی له وڵاته‌كه‌دان به‌په‌له وڵاته‌كه به‌جێبهێڵن و حکومەتی عێراق ناتوانێت گەرەنتی سەلامەتی هاووڵاتیانی ئەمریکی بکات لە بەرامبەر سەرهەڵدانی لەناکاوی توندوتیژی و شەڕی چەکداری.
وه‌زاره‌تی ده‌ره‌وه‌ی ئه‌مریكا له راگه‌یه‌ندراوێكدا بۆ هاووڵاتیانی ئه‌مریكی دەڵێت، بە هیچ هۆکارێک گەشت بۆ عێراق مەکەن، حکومەتی ئەمریکا توانای سنورداری هەیە بۆ پێشکەشکردنی خزمەتگوزاری فریاگوزاریی بۆ هاووڵاتیانی ئەمریکی لە عێراق بەهۆی مەترسییەکانی سەلامەتی.
ئاماژه‌ی به‌وه‌شكردوه، حوسییەکانی پاڵپشتیکراو لەلایەن ئێرانەوە دەستیان بە شەڕ و پێکدادان لەدژی سعودیە کردوە، لەوانە هێرشکردنە سەر فڕۆکەخانە مەدەنییەکان و ژێرخانە گرنگەکانی دیکە کە لە ئەنجامدا زیانی گیانی خەڵکی مەدەنی و پچڕانی سەختی هاتوچۆیان لێکەوتووەتەوە، دوژمنایەتییەکان ئەگه‌ری پەرەسەندنی خێرایان هەیە.
له راگه‌یه‌ندراوه‌كه‌دا ئەوەش هاتووه، حکومەتی عێراق ناتوانێت گەرەنتی سەلامەتی هاوڵاتیانی ئەمریکی بکات لە بەرامبەر سەرهەڵدانی لەناکاوی توندوتیژی و شەڕی چەکداری”، هه‌ربۆیه وەزارەتی دەرەوە داوا لە کارمەندانی حکومەتی ئەمریکا دەکات کە لە عێراق کاردەکەن بەهۆی هەڕەشەی جددییەوە لە ژێر پڕۆتۆکۆڵی توندی ئەمنیدا بژین و کاربکەن. ڕەنگە ڕێکخستنی زیاتری دۆخی کارمەندان بەسەر کارمەندانی ئەمریکیدا بسەپێندرێت.
وه‌زاره‌تی ده‌ره‌وه‌ی ئه‌مریكا هۆشداری توند ده‌دات و ده‌ڵێت، هاووڵاتیانی ئەمریکی لە عێراق رووبەڕووی مەترسی زۆر دەبنەوە، لەوانە توندوتیژی و ڕفاندن.
وه‌زاره‌تی ده‌ره‌وه‌ی ئه‌مریكا ڕوونیكرده‌وه، مەترسی توندوتیژی تیرۆریستی لەوانه هێرشی تیرۆریستی و چالاکییەکانی دیکە لە عێراقدا هەیە، تیرۆریستان، لەوانەش داعش و میلیشیاکانی سەر بە ئێران، هاندەری هێرشەکانن و ئەنجامدانی هێرشەکان دژی کەسایەتی و بەرژەوەندییەکانی ئەمریکا لە عێراق.
ئه‌وه‌شی خسته‌ڕوو، دژە ئەمریکا میلیشیاکان هەڕەشە لە هاوڵاتیانی ئەمریکی و کۆمپانیا نێودەوڵەتییەکان دەکەن، هێرشەکان بە بەکارهێنانی ئامێری تەقەمەنی چەسپاو و تەقەی ناڕاستەوخۆ و فڕۆکەی بێفڕۆكه‌وان لە زۆر ناوچە ڕودەدەن، لەنێویاندا شارە گەورەکان، ئامانجەکانی هێرشەکانی ئەم دواییە بریتی بوون لە هۆتێلەکان، زانکۆکان، ژێرخانی وزە، فڕۆکەخانەکان و شوێنەکانی دیکە کە وەک پەیوەندیدار بە ئەمریکا هەست پێدەکرێن، لەنێویاندا دامەزراوە دیپلۆماسییەکان”.
وه‌زاره‌تی ده‌ره‌وه‌ی ئه‌مریكا داوا له ئه‌مریكی ده‌دات كه پلانیان هه‌بێت بۆ جێهێشتنی عێراق له حاڵه‌تی نائاساییدا کە پشت بە یارمەتی حکومەتی ئەمریکا نەبەستێت.
