عەلی زەیدی: ژنان لە بەرنامەی حکومەتدا چاودێری و رێزلێگرتنیان بەدەستهێناوە

SNN-

 SNN-

عەلی زەیدی، سەرۆکوەزیرانی عێراق، لە میانی بەشداریی لە هەژدەهەمین کۆنگرەی رۆژی ئیسلامی بۆ بەرەنگاربوونەوەی توندوتیژی دژی ژنان، کە بەیانی ئەمڕۆ لە بەغدا لەلایەن رەوتی حیکمەی نیشتمانییەوە رێكخرا، ڕایگەیاند کە ژنان لە بەرنامەی حکومەتەکەیاندا چاودێری و رێزلێگرتنیان بەدەستهێناوە بە باوەڕبوون بە گرنگییان لە گەشەپێدانی هەمەلایەنەدا.

ناوبراو ئاماژەی بەوە دا کە ژنانی عێراق بەشدارییان کردووە لە روبەڕوبوونەوەی ئەو ئاڵنگاری و هەلومەرجەی کە تەواوی عێراقییەکان بەدەستیەوە ناڵاندوویانە لە کاتی روبەڕوبونەوەی چەتەكانی داعشدا، کە کردەوەی ترسناکی توندوتیژی دژی ژنانی عێراقی ئەنجامدا.

هەروەها جەختی لەوە کردەوە کە ئەم ئاڵنگارییانە هاندەرێکن بۆ دابینکردنی ژینگەیەکی سەلامەت کە رێگری بکات لە هێرشکردنە سەر ژنان و پەراوێزخستنیان لە ڕێگەی رێوشوێنی خۆپارێزی و یاسادانانەوە.

سەرۆکوەزیران ئەوەشی خستە ڕوو کە گرنگترین پرس لە پاراستنی مافەکانی ژناندا کارکردنە بۆ پەرەپێدانی توانا زانستی و فیکرییەکانیان و وەرگرتنی پۆستی سەرکردایەتیکردنیان، و شانازی بە ئامادەبوونی ژنان لە سەرجەم جومگەكانی دەوڵەتدا دەکەن. جەختیشی کردەوە کە پێویستە ژنان بپارێزرێن لە دەستدرێژی و گێچەڵپێكردن لە رێگەی کلتوری رێزگرتن لێیان و رێگەنەدان بە پێشێلکردنی مافەکانیان، و ئەمەش بەرپرسیارێتییەکی هاوبەشی کۆمەڵگا و حکومەت و دەوڵەتە.