یسرائیل کاتز، وەزیری بەرگری ئیسرائیل
SNN-
یسرائیل كاتس وەزیری بەرگریی ئیسرائیل رایگەیاند، وڵاتەكەی دەیەوێت بە توندی هێرش بكاتە سەر دامەزراوە ئەتۆمییەكانی ئێران، بەڵام ئەمەریكا رێگە نادات.
ئەمڕۆ سێشەمە، یسرائیل كاتس لە لێدوانێكی رۆژنامەوانیدا كە میدیای ئیسرائیل بڵاویكردووەتەوە دەڵێت، “ئێمە دەمانەوێت بە توندی هێرش بكەینە سەر دامەزراوە ئەتۆمییەكانی ئێران، كەچی ئەمەریكا رێگریی لەو هەنگاوە دەكات.”
دەشڵێت، “ئێمە ئامادەكاری بۆ هەموو سیناریۆیەك دەكەین و ئەگەریش ئێران هێرش بكاتە سەر ئیسرائیل، ئەوا زەبرێكی كوشندەی بەردەكەوێت.”
ئەمەش لە کاتێکدایە، بڕیارە ئەمڕۆ لە كۆشكی سپی، دۆناڵد ترەمپ سەرۆكی ئەمەریكا و بنیامین نەتەنیاهۆ سەرۆكوەزیرانی ئیسرائیل تاوتوێی جەنگی ئێران بكەن.
