لەبارەی لابردنی سفرەکانی سەر دیناری عێراقی هۆشداری توند دەدرێت
دینار
SNN
نەبیل عەبادی، شارەزای بواری دارایی له لێدوانێكدا باسی لهوهكردوه، گۆڕانكاری له دراو بۆ خۆی چارەسەر نییە، بەڵکو رەنگدانەوەی دۆخی ئابورییە. هۆشداری دەدات لە تێکەڵکردنی نیشانەکان لەگەڵ هۆکارە بنەڕەتییەکانی کێشەکە.
ئاماژهی بهوهشكردوه، لابردنی سفرەکان لەسهر دراو، کە زۆرترین سیناریۆی باسکراوە، لە بنەڕەتدا رێکخستنەوەی یەکە دراوییەکان و سادەکردنەوەی کارەکانی ژمێریاری و داراییه، بەڵام مەرج نییە بە مانای زیادبونی توانای کڕینی هاووڵاتیان یان بەرزبونەوەی بەهای ڕاستەقینەی دراوەکە بێت.
ئهو شارهزایه رونیدهكاتهوه كه گۆڕانكاریی له دراو وەک ئامڕازێک بۆ وەرگرتنەوەی پارە تاڵانکراوەکان مامەڵەی لەگەڵدا ناکرێت؛ بەڵکو دەتوانێت لە هەندێک چوارچێوەدا ببێتە شمشێرێکی دو سهر ئەگەر لە چوارچێوەیەکی چاکسازی گشتگیردا مامهڵهی لهگهڵدا نهكرێت.
ئەو شارهزایه هۆشداری دەدات لەوەی کە بڕێکی زۆر لە سامانی تاڵانکراو زۆرجار بە دراوی ناوخۆیی شوێنپێهەڵگیراو نامێنێتەوە، یان لە مێژە براونهته دهرهوه و بۆ كڕینی خانوبەرە بهكارهێنراو یان له ههژماره بانكییهكانی دهرهوهی دانراون.
