ڕێککەوتنی تاران و عومان لەبارەی گەرووی هورمز ڕاگیرا.. ئێران مەرجی بۆ ئەمریکا دانا

SNN-

جێگری وەزیری دەرەوەی ئێران ڕایگەیاند، هەرچەندە ڕێککەوتن لە نێوان تاران و عوماندا لەسەر گەرووی هورمز ئەنجامدراوە، بەڵام جێبەجێکردنەکەی ڕاگیراوە تاوەکو ئەمریکا پابەندبوونی خۆی جێبەجێ دەکات.

کازم غەریب ئابادی جەختی لە چەند خاڵێک کردەوە کە گرینگترینیان ئەمانەن::

دۆخی گەرووی هورمز

گەرووەکە هێشتا داخراوە و تێپەڕبوونی هەر کەشتییەک پێویستی بە هەماهەنگی و ڕەزامەندیی تاران هەیە.

ڕێکارە بەرگرییەکان

ئێران پەلە ناکات لە کردنەوەی گەرووەکە و بەردەوام دەبێت لە ڕێکارە بەرگرییەکانی خۆی.

کۆنتڕۆڵی سەربازی

هێزە چەکدارەکانی ئێران سەرپەرشتی تەواوی جووڵەکان دەکەن و ئەو هەواڵانە ڕەتدەکەنەوە کە باس لە تێپەڕبوونی بێ هەماهەنگیی کەشتییەکان دەکەن.

هەڵوێست بەرامبەر ئەمریکا

تاران ئامادەیی بۆ دیپلۆماسی نیشان داوە، بەڵام تۆمەتی ڕاگرتنی پابەندبوونەکان دەخاتە پاڵ ویلایەتە یەکگرتووەکان و جەخت دەکاتەوە کە لە بەرامبەر هەر هەنگاوێکی واشنتندا، ڕێکاری هاوشێوە دەگرنە بەر.