مووشەکی پێشکەوتووی دژە کەشتی لە گەرووی هورمز؛ ئەمریکا لێدانی کەشتییەکانی ڕەتکردەوە
SNN-
ڕۆژنامەی نیویۆرک پۆست بڵاویکردەوە، لە وەڵامی تێکشکاندنی 10 کەشتیی نەوتهەڵگردا، سوپای پاسداران بۆ یەکەمجار مووشەکی بالیستیی “قاسم بەسیر”ی بە مەودای 1200 کیلۆمەتر و هەستەوەری بینایی دژی هێزە ئەمریکییەکان بەکارهێناوە، لە کاتێکدا سەنتکۆم جەخت لەوە دەکاتەوە کە هیچ زیانێک نەگەییشتووە و مووشەکەکان تێکشکێنراون.
ڕۆژنامەی نیویۆرک پۆست بڵاویکردەوە، سوپای پاسدارانی ئێران لە وەڵامی تێکشکاندنی کەشتییە نەوتهەڵگرەکانیدا، بۆ یەکەمجار مووشەکی بالیستیی “قاسم بەسیر”ی بە هەستەوەری بینایی دژی کەشتییە جەنگییەکانی ئەمریکا لە گەرووی هورمز بەکارهێناوە. ئەم مووشەکە کڵاوە جەنگییەکەی نیو تۆنە، مەوداکەی 1200 کیلۆمەترە و بەهۆی پشتبەستن بە کامێرا لەبری جیپیاس، لە بەرامبەر تەشەویشی ئەلیکترۆنی پارێزراوە.
لە بەرامبەردا، فەرماندەیی ناوەندیی ئەمریکا (سێنتکۆم) ڕایگەیاند کە مووشەکە ئاراستەکراوەکان تێکشکێنراون و هیچ زیانێک بە کەشتییە فڕۆکەهەڵگرەکان نەگەیشتووە.
ئەم پەرەسەندنە دوای ئەوە دێت کە ئەمریکا لە هەفتەی ڕابردوودا 10 کەشتیی نەوتهەڵگری ئێرانی لە دوورگەی خارگ تێکشکاند و سوپای پاسدارانیش هۆشداریی داوە کە بنکەکانی ئەمریکا لە بەحرەین و کوەیت دەکاتە ئامانج.
