دەستەی خانەنشینی عێراق: رێکارەکانى تایبەت بە مووچەى خانەنشینان تەواوکران و دابەشکردنى دەستپێدەکات

SNN-

دەستەی گشتیی خانەنشینی عێراق، ئەمڕۆ پێنجشەممە 1ی تشرینی یەکەمی 2026، تەواوبونی ڕێکارەکان و ئامادەکارییەکانی بۆ دابه‌شكردنی مووچه‌ی خانەنشینان بۆ مانگی (تشرینی یەکەم/10) راگەیاند.

حسام عەبدولستار، جێگری سەرۆکی دەستەی گشتیی خانەنشینی عێراق ڕایگەیاند: “بە ڕێنمایی وەزیری دارایی، کارمەندانی دەستەکەمان لە ڕۆژانی پشووی فەرمیی ڕۆژی سەروەریی نیشتمانیدا بەردەوام بوون لە دەوامکردن و کارەکانیان ڕایی کردووە.”

ئاماژەی بەوەش دا که سەرجەم ڕێکارەکانی پێدانی مووچە بە هەماهەنگی لەگەڵ بەڕێوەبەرایەتیی ژمێریاری تەواو کراون و داتا و زانیارییە پێویستەکان بۆ مەبەستی دەستپێکردنی پرۆسەی خەرجکردن ڕەوانەی بانکەکان کراون.