1106 کەسی دیکە لە عێراق تووشی کۆرۆنا بوون و 45 کەسیش گیانیانلەدەستدا
سوریا بەرزترین رێژەی تووشبوون بەکۆرۆنا لەڕۆژێکدا تۆمار دەکات
SNN
وهزارهتی تهندروستی عێراق 15ی حوزەیران ئاماری 24 كاتژمێری رابردووی تووشبوون، مردن و چاكبوونهوهی كۆرۆنای له سهرانسهری وڵات به پارێزگاكانی ههرێمی كوردستانیشهوه راگهیاند.
بهگوێرهی راگهیهندراوهكهی وهزارهتی تهندروستی عێراق، له ماوهی 24 كاتژمێری رابردوودا پشكنینی پزیشكی بۆ 10 ههزار و 135 گومانلێكراو ئهنجامدراوه و تووشبوونی 1106 كهسی دیكه به پهتاكه پشتڕاست كرایهوه.
وهك له راگهیهندراوهكهدا هاتووه، له ماوهی شهو و رۆژێكدا 45 كهسیش بههۆی پهتاكه گیانیان لهدهستداوه.
هاوكات 1150 حاڵهتی چاكبوونهوهش له پهتاكه راگهیهندراوه.
تا ئێستا كۆی ئهوانهی له سهرانسهری عێراق تووشی پهتاكه بوونه ژمارهیان گهیشته 21 ههزار و 315 حاڵهت، لهو ژمارهیهش 652 كهس بههۆی ڤایرۆسهكهوه گیانیان لهدهستداوه و 9 ههزار و 271 كهسیش به تهواوی چاك بوونهتهوه و 11 ههزار و 392 كهسیش له نهخۆشخانهكان لهژێر چاودێری پزیشكیدان، لهو ژمارهیهش 150 كهس بههۆی ناجێگیری دۆخی تهندروستییان له ژێر چاودێری چڕی پزیشكیدان.
