وەزارەتی دارایی خشتەیەکی نوێی مووچەی راگەیاند
دراوى 10 هه‌زارى عێراق | فۆتۆ: SNN
SNN
وەزارەتی ئابووری و دارایی هەرێم ئەمڕۆ خشتەیەکی نوێی دابەشکردنی مووچەی بڵاوکردەوە.
بە گوێرەی خشتەکە ڕۆژی یەک شەممە و دوو شەممە (پێنج و شەشی ئەم مانگە) مووچەی وەزارەتی شەهیدان و کەسوکاری شەهیدانی سەنگەر و ئەنجوومەنی ئاسایش خەرج دەکرێت.
هەروەها ڕۆژی سێشەممە (حەوتی تەمووز) مووچەی وەزارەتی شەهیدان و ئەنفالکراوان و زیندانیانی سیاسی کە شایستەیان ماوە لەگەڵ دەزگای گشتی ئاسایش خەرج دەکرێت.
هەروەها رۆژی چوارشەممە (هەشتی تەمووز) مووچەی وەزارەتی پەروەردە (دەرەوەی شار) خەرج دەکرێت.
دواتر و رۆژی پێنج شەممە (نۆی تەمووز) مووچەی وەزارەتی پەروەردە (ناو شار) خەرج دەکرێت.
