دەرچووە یەکەمەکانی زانکۆ و پەیمانگاکانی خۆپیشاندانێکی نارەزاییان دەستپێکرد

SNN-هەوراز ئەحمەد

دەرچووە یەکەمەکانی زانکۆ و پەیمانگاکان ئەمڕۆ دژی دانەمەزراندنیان لە سلێمانی خۆپیشاندانیان ئەنجامدا.

بەشداربووانی خۆپیشاندانەکە هاتنە بەردەم نوسینگەی پەرلەمان لە سلێمانی بەڵام پێشوازییان لێنەکرا، دواتر بە رێپێوانێک چوونە بەردەم مەڵبەندی یەکی یەکێتیی نیشتمانیی کوردستان.

پشتیوان عەبدوڵا نوێنەری دەرچووان، بە SNNی راگەیاند: “ئێمە دەرچووی ساڵی 2016-2017 ین و ماوەی سێ ساڵە چاوەڕوانی دامەزراندنین بەڵام تا ئەم ساتە هیچ وەڵامێکمان لە ئەنجومەنی وەزیران و وەزارەتی خوێندنی باڵا وەرنەگرتووە”.

وتیشی: “بڕیارەکە بەو شێوەیەیە ساڵانە یەکەم و دووەم و سێهەمی سەر ئاستی زانکۆ و پەیمانگاکان لە بەشە زانستییەکانیان دادەمەزرێنەوە بەڵام ئێمە سێ ساڵە دانەمەزراوین”.

ئاماژەی بەوەشکرد: ژمارەی خوێندکارە یەکەمە دانەمەزراوەکان هەزار و 100 کەسن.