سەرۆکی بەرشەلۆنە داهاتووی سیتینی یەکلایی کردەوە

SNN Sport

بارتۆمیۆی سەرۆکی یانەی بەرشەلۆنەی ئیسپانی، داهاتووی راهێنەری یانەکەی کیکی سیتینی یەکلایی کردەوەو مانەوەی دووپاتکردەوە، ئەمەش پاش تۆمارکردنی چەند ئەنجامێکی خراپ لە یارییەکانی ئەم دواییەی لالیگا.

پاش بردنەوەی یانەی بەرشەلۆنە لە یانەی ڤیاریاڵ شەوی رابردوو بە ئەنجامی 4-1 لە هەفتەی 34ی لالیگا، بارتۆمیۆ قسەی بۆ میدیاکان کردو متمانەی بە کیکی سیتین دایەوە.

بارتۆمیۆ وتی:”متمانەی تەواومان بە کیکی سیتین هەیە،پڕەوپاگەندەکان دەزانین دژی کیکی سیتین، هەمووی ناراستە، ئێمە 4 یاریمان لە خولی ئیسپانیا ماوە لەگەڵ یارییەکانی خولی یانە پاڵەوانەکانی ئەوروپا، ئەمڕۆ ئاستی یانەکە چێژ بەخشبوو.

لەسەر ڤار وتی: ئێستا ڤار بە شێوەیەکی نارەوا بەڕێوە دەبرێت، کاریگەری لەسەر ئەنجامی چەند یارییەک هەبووە و دەبێت باشتر بکرێت، لەسەر ئاستی خولەکان ئێمە لە باشترین خولی جیهانداین”.

لەسەر نوێکردنەوەی گرێبەستەکەی میسی وتی” من وردەکارێکەی بە ئیوە ناڵێم، ئەو خۆی چەندین جار وتویەتی من لە یانەی بەرشەلۆنە واز لە یاریکردن دەهێنم”.