ئۆپراسیۆنى هاوبهشى هێزى پێشمهرگه و سوپاى عێراق دهستپێدهكات
هێزى پێشمهرگه له سهنگهرى رووبهڕووبوونهوهى داعشدا | فۆتۆ: Getty Images / ABCNEWS
SNN – سیروان حهسهن
بڕیاره ئهمڕۆ ئۆپراسیۆنى هاوبهشى هێزى پێشمهرگه و هێزه عێراقییهكان له ناحیهى جهلهولا دهستپێبكات.
سیروان حهسهن، پهیامنێرى (SNN) له گهرمیان رایگهیاند: “بڕیاره ئهمڕۆ ئۆپراسیۆنى هاوبهشى هێزى پێشمهرگه و سوپاى عێراق له ناوچهى شێخ باوهى سهربه ناحیهى جهلهولا دهستپێبكات، بهوهۆیهشهوه له ئێستادا هێزى پێشمهرگه و ئاسایشى گهرمیان له ناوچهكه خراونهته ئامادهباشییهوه”.
بهپێى زانیارییهكانى (SNN) كه له وهزارهتى پێشمهرگه و هێزه ئهمنییهكانى ناوچهكه دهستیكهوتوون، “له ئێستادا هێزى پێشمهرگه له ناوچهكه به تایبهت لیواى پێنجى شارهزوور، ئاسایشى گهرمیان و هێزهكانى پێشمهرگه خراونهته حاڵهتى ئامادهباشییهوه، هێزێكى زۆرى فیرقهى ئاڵتوونى له سوپاى عێراق هێنراونهته ناوچهكه و له جهلهولا جێگر كراون”.
ئهم ئۆپراسیۆنه دهبێته یهكهمین ئۆپراسیۆنى هاوبهشى هێزى پێشمهرگه و سوپاى عێراق لهدواى رووداوهكانى 16ى ئۆكتۆبهر، ئهنجامبدرێت، پاش ئهو گفتووگۆ بهردهوامه دێت كه لهنێوان وهزارهتى پێشمهرگه و وهزارهتى بهرگريى عێراق ئهنجامدرا به مهبهستى لهناوبردنى داعش و گروپه تيرۆریستییهكان.
پێشتر حەسەن جیهاد، وتەبێژی سەرۆكایەتی كۆماری عێراق بە (SNN)ی راگەیاند: “كۆبوونەوەی نێوان وەزارەتی پێشمەرگە و وەزارەتی بەرگریی عێراق لە ماوەی دوو مانگی رابردوو تاوەكو ئێستا بەردەوامی هەبووە چەندین گفتوگۆ و بڕیاری پێویست لە بارەی ئەمنیەتی ناوچەكە دراون كۆبوونەوەكانیش بەردەوامیان هەیە”.
وتیشی: “وەزارەتی بەرگریی عێراق داوای لە وەزارەتی پێشمەرگە كردووە ژوورێكی ئۆپراسیۆنی هاوبەش لە نێوان هەردوولادا دروستبكرێت، بە مەبەستی پاراستنی ناوچە كێشە لەسەرەكان و ئەو ناوچانەی كە جموجۆڵەكانی چەكدارانی داعش تێیدا زیادیكردووە لەو بارەیەوە گفتوگۆی زۆر كراون، هەروەها گفتوگۆكانیش بەردەوامن، بۆ ئەم مەبەستەش چەندان جار شاندی وەزارەتی پێشمەرگە هاتۆتە بەغدا و شاندی بەرگریی عێراقیش هاتۆتە هەولێر”.
