وه‌زاره‌تی لاوان و وه‌رزشی عێراق بیر له گرتنه‌به‌ری رێكاری توند ده‌كاتەوە
عەدنان دەرجال وەزیری لاوان و وەرزشی عێراق
SNN Sport
وەزره‌تی لاوان و وه‌رزشی عێراق لێكۆڵێنه‌وه ده‌كات له گرتنه به‌ری بڕیارێكی توند له دژی یانه‌كانی عێراق، ئەمەش بەهۆی خەرجنەکردنی شایستە داراییەکانی یاریزانان لە لایەن یانەکانەوە.
سه‌رچاوه‌یه‌ك له ناو وه‌زاره‌تی لاوان و وه‌رزشی عێراق له لێدوانێكیدا کە میدیا عێراقییەکان بڵاویانکردووەتەوە وتی:” وه‌زاره‌تی لاوان و وه‌رزشی عێراق لێكۆڵینه‌وه ده‌كات له ده‌ركردنی بریارێك بریتییه له كێشانه‌وه‌ی مۆڵه‌تی یانه و سڕكردنی چالاكییه‌كانی له ئه‌گه‌ری دابین نه‌كردنی بڕه پاره‌ی تایبه‌ت به مووچه و گرێبه‌ستی یاریزانان “.
هه‌روه‌ها وتی:” ئه‌م هه‌نگاوه به هۆی زۆری سكاڵاكان دێت كه ژماره‌یه‌كی زۆر له یاریزانان تۆماریان كردووه له دژی یانه‌كان به هۆی وه‌رنه‌گرتنی شایسته داراییه‌كان له سه‌رجه‌م یارییه جیاوازەکان و له پێش هه‌موویان تۆپی پێ”.
جێی ئاماژه پێكردنه كه 25 یاریزان سكاڵایان تۆمار كردووه له دژی یانه‌ی نه‌جه‌ف، ئەمەش بەهۆی ئەوەی شایستە داراییەکانیان وەرنەگرتووە.
