له‌كه‌ركوك تووشبوویه‌كی كۆرۆنا هه‌ڵاتووه
ئێواره‌ی دوێنێ دوای ئه‌وه‌ی ئه‌نجامی پشكنینه‌كان ده‌رچوو، ده‌ركه‌وت 12 كه‌س له‌كه‌ركوك تووشی ڤایرۆسی كۆرۆنا بوون، له‌كاتی گواستنه‌وه‌شیان بۆ نه‌خۆشخانه یه‌كێكیان هه‌ڵاتوون.
سه‌رچاوه‌یه‌كی تایبه‌ت له‌ته‌ندروستی كه‌ركوك به SNNی راگه‌یاند: كاتێك تیمێكی ته‌ندروستی ده‌چێت بۆ ئه‌وه‌ی یه‌كێك له‌تووشبووه‌كان بگوازێته‌وه بۆ نه‌خۆشخانه‌ی تایبه‌ت به‌كۆرۆنا كه (ژنه)، ناوبراو له‌گه‌ڵ هاوسه‌ره‌كه‌ی به‌ئۆتۆمبێڵێكی جۆری بی ئێم ده‌بلیو هه‌ڵاتوون.
وتیشی: “ناو و جۆری ئۆتۆمبێله‌كه به‌بازگه‌كانی ناو شار و ده‌ره‌وه دراون تاوه‌كو رێگا له‌هه‌ڵاتنیان بگیرێت، كۆی گشتی تووشبووانی كۆرۆنا له‌كه‌ركوك گه‌یشتۆته 65 حاڵه‌ت، 37 تووشبوو له‌نه‌خۆشخانه‌ن و دوو تووشبووش گیانیان له‌ده‌ستداوە و 26 كه‌سیش چاكبوونه‌ته‌وه”.
#SNN_EXCLUSIVE
