گرنگترین مانشێتی ئەمڕۆ پێنجشەممە 7/5/2020ی رۆژنامە وەرزشییەکانی ئیتاڵیا
رۆژنامە ئیتاڵیەکان
ئەمڕۆ پێنجشەممە 7/5/2020 گرنگترین مانشێتی رۆژنامەکانی ئیتاڵیا بەمشێوەیە بوو.
کۆرێری دیلۆ سپۆرت:
- ئەنگێلا مێرکڵی راوێژکاری ئەڵمانیا بەڵێ بۆ دەستپێکردنەوەی یارییەکانی ئەم وەرزەی خولی ئەڵمانیا لە 15ی ئایار دەکات و ئێستا کاتی ئەوەیە لە ئیتاڵیاش بڕیاری لەسەر بدرێت و بەم نزیکانە کۆبوونەوەی یەکلاکەرەوە دەکرێت.
- یاریزانانی خولی ئیتاڵیا بۆ دوو بەرە دابەش دەبن و ترسی ئەوەیان هەیە خولەکە دەستپێبکاتەوە و مەترسی نوێ سەرهەڵبدات سەبارەت بە ڤایرۆسی کۆرۆنا.
- یانەی ناپۆلی پشکنینی ڤایرۆسی کۆرۆنای ئەنجامداو هیچ یاریزانێکی هەڵگری ئەو ڤایرۆسە نەبوو.
تۆتۆ سپۆرت:
- چاکبوویەوە.
- لە کۆتایداو دوای 46 رۆژ، دیبالا کۆتایی بە ڤایرۆسی کۆرۆنا هێناو هەریەکە لە ماتیۆدی و خدێرەش گەڕانەوە بۆ شاری تۆرینۆ.
- لە بازاڕی گواستنەوە یۆڤانتۆس پلان بۆ هێنانی کییزای یاریزانی یانەی فیۆرنتینا دادەنێت .
- پاراتیچی بەڕێوەبەری یانەی یۆڤانتۆس فشار لەسەر ئارسری یاریزانی یانەی بەرشەلۆنە دەکات و ئەگەری گۆڕینەوەش بە پیانیچ هەیە.
- خولی ئەڵمانیا بەسەر هەمواندا سەردەکەوێت و دەستپێدەکاتەوە.
لاگازێتا دیلۆ سپۆرت:
- دیبالا چاکدەبێتەوە و ئامادەیە بۆ ئامادەکارییەکانی یانەی یۆڤانتۆس.
- ئەڵمانیا خولی وڵاتەکە دەستپێدەکاتەوە و لە ئیتاڵیاش بە شوێنی گەڕانەوە دەگەڕێت.
- زەلاتان بۆ یانەی ئەیسی میلان دەگەڕێتەوە و لەوانەیە لە 14ی ئایار یانەکە بە جیا دەست بە مەشق و راهێنان بکاتەوە.
