چین و ئیمارات ئەنجامی باش دەربارەی ڤاکسینەکەی کۆرۆنا رادەگەیەنن
ڤاکسینی کۆرۆنا
SNN
پەکین رایگەیاند: کە وڵاتی چین و ئیمارات پێکەوە لە هەوڵی بەرهەمنێنای ڤاکسینێک بۆ کۆرۆنا بەرەو سەرکەوتن دەڕۆن و بۆ جاری دووەم ڤاکسینەکەی ئەو دوو وڵاتە کاردانەوەی کاریگەری هەبوو بەرامبەر ڤایرۆسی کۆرۆنا.
لای خۆشییەوە عەبدولرەحمان عەوس وەزیری تەندروستیی ئیمارات رایگەیاند: کە ڤاکسینە هاوبەشەکەیان لەگەڵ چیندا قۆناغی باشی بڕیوەو بەنیازن بۆ هێڵی یەکەمی بەرگی کۆرۆنا کە پزیشک و کارمەندانی تەندروستین بەکاری بهێنن، چونکە ئەوان زۆرترین بەرکەوتنیان لەگەڵ تووشبووانی ڤایرۆسی کۆرۆنا هەیە.
وتیشی” ئەم ڤاکسینە دوای چەندین جار تاقیکردنەوە بۆمان دەرکەوتووە کە سەرکەوتووە و کاریگەری ڤایرۆسەکە کەم دەکاتەوەو لە تواناشیدایە بە تەواوەتی لەناوی بەرێت”.
کۆمپانیای G42 ی ئیماراتی و CNBG چینی دوای چەندین تاقیکردنەوە توانیان بگەنە ئەنجامی ئەوەی کە ڤاکسینە نوێکەیان لەسەر هاووڵاتییان تاقیبکەنەوە.
