نوسینگەکانی حەشدی شەعبی لە فڕۆکەخانەی بەغدا دادەخرێن
A veiw of Baghdad international Airport, after Iraq has suspended flights at its domestic airports as the coronavirus spreads, in Baghdad, Iraq March 17, 2020. REUTERS/Thaier Al-Sudani - RC2PLF9PTROE
SNN
سەرچاوەیەکی ئەمنی ئاشکرایدەکات، بە فەرمانی مستەفا کازمی سەرۆکی هێزە چەکدارەکانی عێراق ژمارەیەک نوسینگەی حەشدی شەعبی لە فڕۆکەخانەی نێودەوڵەتی بەغدا دادەخرێن.
تۆڕی هەواڵی عەرەبیە، لە زاری سەرچاوەیەکی ئەمنی عێراقەوە ئەوەی بڵاوکردووەتەوە: حكومەتی عێراق بڕیاریداوە بە داخستنی نوسینگەكانی حەشدی شەعبی و ئاسایشی نیشتیمانی و دەستەی دەستپاكی لەناو فڕۆكەخانەی بەغدا.
بە گوێرەی بڕیارەکە، بە تەنیا رێگە بە نوسینگەکانی سەر بە دەزگای هەواڵگری عێراق و وەزارەتی ناوخۆ دەدرێت نوسینگەیان لەناو فڕۆکەخانەی بەغدا هەبێت.
عەرەبیە نوسیویەتی، حکومەتەکەی کازمی لە هەوڵدایە دەسەڵاتی حەشدی شەعبی لەچەند ناوچەیەکی گرنگ و ستراتیژی کەمبکاتەوە.
