تەواوی توانا تەندروستییەکان لە ئێران بۆ رووبەڕووبوونەوەی کۆرۆنا دەخرێنەگەڕ

SNN

دوای ئەوەی رێژەی تووشبوون بە کۆرۆنا لە ئێران هەڵکشانی بەرچاوی بەخۆیەوە بینی، وه‌زاره‌تی ته‌ندروستی ئه‌و وڵاته‌ باری نائاسایی ته‌ندروستی له‌ته‌واوی ناوچه‌كانی وڵاته‌كه‌ی راگه‌یاند.

وه‌زاره‌تی ته‌ندروستی ئێران له‌ راگه‌یه‌نراوێكدا، ئاماژه‌ی به‌وه‌كردووه‌، به‌هۆی زۆربونی ژماره‌ی توشبون و مردن به‌كۆرۆنا باری نائاسایی ته‌ندروستی له‌ته‌واوی ناوچه‌كانی وڵاته‌كه‌ی راده‌گه‌یه‌نریت و هیچ نه‌شته‌رگه‌رییه‌كی دیكه‌ی ناپێویست رێگه‌ی پێنادرێت و ته‌واوی توانا ته‌ندروستییه‌كان بۆ روبه‌روبونه‌وه‌ی كۆرۆنا ته‌رخانده‌كرێت.

به‌پێی راگه‌یه‌نراوه‌كه‌، بڕیاره‌كه‌ له‌ سبه‌ینێ شه‌ممه‌  10-10-2020، له‌لایه‌ن ئه‌نجومه‌نی نیشتمانی روبه‌ڕوبونه‌وه‌ی كۆرۆنا جێبه‌جێده‌كرێت و به‌كارهێنانی ده‌مامك له‌ته‌واوی شوێنه‌ تایبه‌ت و گشتییه‌كان ده‌كرێته‌ ناچاری.

به‌پێی ئاماری وه‌زاره‌تی ته‌ندروستی ئێران ، له‌ ماوه‌ی 24 كاتژمێری رابردودا 210 حاڵه‌تی نوێی گیانله‌ده‌ستدان به‌ كۆرۆنا تۆماركرا و به‌وه‌ش كۆی ژماره‌ی گیانله‌ده‌ستدان به‌هۆی كۆرۆناوه‌ بۆ 28 هه‌زار و 98 حاڵه‌ت به‌رزبووه‌ته‌وه‌.