فەرمانبەرێکی پەرلەمانی کوردستان هاوسهرهكهى بەچەقۆ كوشت
كوشتن | فۆتۆ: Fer Gregory
SNN ـ بڕیار محەمەد
سێ رۆژ پێش ئێستا ژنێک لەلایەن هاوسەرەکەیەوە بەچەقۆ دەکوژرێت و تۆمهتبارى رووداوهكهش خۆی رادەستی پۆلیس دەکات.
یهكێك له ئهندامانى خێزانى تۆمهتبارهكه كه نهیویست ناوى بڵاوبكرێتهوه به SNNى راگەیاند: “(ع،م) خزمى منه و پیشەی فەرمانبەری پەرلەمانی کوردستانە، سێ رۆژ پێش ئێستا لەگەڵ هاوسەرەکەی بووهته دەمەقاڵیان، زیاتر لە پێنج چەقۆی لێداوه، تاوەکو كوشتوویهتى”.
وتیشی: “دوای کوشتنی هاوسەرەکەی تۆمهتبارهكه پەیوەندی بە پۆلیسەوە كردووه و وتویهتى: ژنەکەم خۆی کوشتووە، بەڵام لەگەڵ گەیشتنی پۆلیس بۆ شوێنی رووداوەکە ئاشکرادەبێت کە پیاوەکە کوشتویەتی”.
بۆ زانیاری زیاتر SNN پەیوەندی بە هۆگر عەزیز، وتەبێژی پۆلیسی هەولێرەوە كرد، بەڵام پەیوەندیيەکە بەردەست نەبوو .
