پرۆژەیەک بۆ لەئەستۆگرتنی باڵندەی کۆتر له هه‌ولێر راگه‌یه‌نرا
له ئه‌ستۆگرتنى باڵنده‌ى كۆتر له هه‌ولێر | فۆتۆ: SNN
SNN ـ بڕیار محەمەد
ئه‌مڕۆ دووشه‌ممه پرۆژەی هاوبەشی نێوان رێکخراوەکانی ژینگە و بەڕێوەبەرایەتی ئەندازە و پارکەکان بۆ لە ئەستۆگرتنی باڵندەی کۆتر لەنێو پارکی شانەدەر لە شاری هەولێر به ئاماده‌بوونى فرسه‌ت سۆفى، پارێزگارى هه‌ولێر راگه‌یه‌نرا.
بەختیار خالید، سەرۆکی رێکخراوی داکۆکیکردن لە مافی ئاژه‌ڵان بە SNNی راگەیاند: “ئەمڕۆ پرۆژەیەکی هاوبەشمان لەگەڵ بەڕێوەبەرایەتی ئەندازە و پارکەکان بۆ پاراستنی و لەئەستۆگرتنی باڵندەی کۆتر لەنێو پارکی شانەدەر راگه‌یاند”.
وتیشى: “پرۆژەکە بریتیە لە پاراستنی ئەو باڵندانە لە سەرما و گەرما و پێدانی خواردنی جۆراوجۆر، لە ئێستادا پرۆژەکەمان زیاتر لە 300 کۆتری لەخۆگرتووە و رۆژانەش ئامارەکە زیاتر دەبێت”.
سەرۆکی رێکخراوی داکۆکیکردن لە مافی ئاژه‌ڵان ئه‌وه‌شى خسته‌ڕوو: “هیوادارین لایەنە پەیوەندیدارەکانی هەولێر هاوکار و پاڵپشتمان بن بۆ ئەوەی لەداهاتوودا بتوانین پرۆژەکەمان فروانتر ببێت”.
